Најмалку 13 лица ги загубија животите во железничка несреќа на југот на Мексико. Речиси 100 други се повредени во несреќата во сојузнaтa држава Оахака, соопшти морнарицата на латиноамериканската земја. Од повредените, 36 се префрлени во болници на лекување. Претседателката Клаудија Шајнбаум им наложи на министерот за морнарица и на државниот секретар за човекови права од Министерството за внатрешни работи лично да им пружат поддршка на погодените семејства на терен.