Додека во Иран продолжуваат протестите против режимот, САД разгледуваат „многу силни опции“ за интервенција, изјави американскиот претседател Доналд Трамп. „Војската го разгледува тоа“, рече Трамп вчеравечер (11.01). Трамп и неговиот тим за национална безбедност, меѓу другото, размислуваат за сајбер-напади и воени удари од страна на САД или Израел, јави агенцијата Асошиетед прес повикувајќи се на неименувани лица упатени во консултациите во Белата куќа.