Министерството за финансии информираше дека успешно е реализирана аукцијата за издавање на десеттата еврообврзница во износ од 1 милијарда евра, поделена во две транши од по 500 милиони евра, со рокови на доспевање од 4 и 8 години. Според министерката Гордана Димитриеска Кочоска, ова е значаен чекор за стабилноста на јавните финансии и сигнал за довербата на меѓународните инвеститори.