Товарниот сообраќај и понатаму е блокиран поради протестите на транспортните превозници од Западен Балкан, кои со денови ги држат камионите на граничните премини кон Шенген-зоната. Тие бараат Европската Унија да го измени правилото за електронска евиденција на престој во Шенген, усогласено со правилото 90/180 дена, кое – како што велат – го отежнува професионалниот транспорт и создава дополнителни административни бариери.