Македонските превозници ќе ги прекинат протестите и ќе се повлечат од блокадите на товарните гранични премини, откако Брисел излезе во пресрет на нивните барања за полесно транзитирање низ Шенген-зоната. Одлуката следи откако Европската комисија ја објави намерата за подготовка на нова стратегија за визи, која треба да го реши проблемот со ограничувањето за престој „90 во 180 дена“ во Шенген-зоната, со кој се соочуваат професионалните возачи.