Тешко дека контрастот можеше да биде поголем – кога Барак Обама влезе во Белата куќа во 2009 година, во Германија предизвика бран на ентузијазам што сега изгледа речиси надреално. По тензиите од ерата на Буш, неговиот рејтинг на доверба драстично се зголеми. Според анкета на истражувачкиот центар Пју, 93 проценти од Германците сметаа во тоа време дека „во светската политика постапува како што треба“.