Mashirika zaidi ya ndege duniani kote yametangaza leo kufuta au kuchelewesha safari za ndege, kufuatia tahadhari ya kampuni ya Airbus kwamba ndege zipatazo 6,000 chapa A320 zinaweza kuhitaji uboreshaji. Airbus iliwaagiza wateja wake siku ya Ijumaa kuchukua hatua za tahadhari za mara moja, baada ya kutathmini hitilafu ya kiufundi kwenye ndege ya JetBlue mnamo mwezi Oktoba.