Zelensky ametoa matamshi hayo wakati wa hotuba yake katika kongamano la kiuchumi la Davos, baada ya kiongozi huyo kukutana na Rais wa Marekani Donald Trump, mazungumzo ambayo anadai kuwa yamefikia makubaliano kuhusu jinsi hakikisho la usalama wa Marekanikwa Ukraine baada ya vita litakavyokuwa. Aidha, Zelensky hakufafanua kilichomo ndani ya makubaliano hayo, akisema tu kwamba yamekamilika na yako tayari kutiwa saini na viongozi hao na kupitishwa na mabunge ya Ukraine na Marekani.