Kwa mujibu wa utafiti huo uliofanywa kwa niaba ya gazeti la Bild na kuchapishwa leo Jumamosi, iwapo uchaguzi wa shirikisho ungefanyika kesho, asilimia 26 ya waliohojiwa walisema wangeipigia kura Christian Democratic Union (CDU) ya Merz au chama chake ndugu cha Bavaria, Christian Social Union (CSU). Chama cha AfD pia kimekuwa katika kiwango cha asilimia 26 kwa wiki kadhaa, hali iliyokifanya kuwa mbele ya vyama vinavyounda serikali ya muungano.