Matashiyar 'yar Namatai Kwekweza mai shekaru 26 a duniya da Gidauniyar Jamus da Afirka ta karrama, ta samu wannan lambar yabo sakamakon jajircewarta ga doka da oda da kuma dimukuradiyya a kasarta Zimbabuwe. Alkalai a gidauniyar da suka tantance gwarazan da suka cancanci lambar yabon sun ce, an zabi Kwekweza daga cikin mutane fiye da 24 da suka kai zagayen karshe na tantancewa.