'Yar tsohon shugaban Afirka ta Kudu Jacob Zuma ta yi murabus daga majalisar dokoki sakamakon zarginta da ake da dibar 'yan kasa aikin tsaro don su yi wa Rasha yaki a kasar Ukraine. A wani taron maneman labarai da ya gudanar a birnin Durban, darektan jam'iyyar MK da mahaifinta ya kafa, ya sanar cewar Duduzile Zuma-Sambudla za ta ba da cikakken hadin kai ga binciken da hukumomin da abin ya shafa ke gudanarwa.