Rahotanni daga Ukraine sun yi nuni da cewa akalla mutane takwas ne suka mutu yayin da wasu 27 suka jikkata a wani harin da Rasha ta kai a cikin dare a birnin Odessa. A sakon da ma'aikatar tsaron Ukraine ta wallafa a shafinta na Facebook, ta ce harin ya rutsa da wata motar bas dauke da fasinjoji a birnin mai tasoshin jiragen ruwa, yayin da wasu motocin dakon kaya da kananan motoci suka kama da wuta a wajen aje su.