Sai dai duk da cewa jagoran addinin Ayatollah Ali Khamenei ke da kololuwar fada a ji, umarnin na Shugaba Masoud Pezeshkian ga jami'an tsaro kan su daina murkushe masu zanga-zangar da karfin tuwo, na nuni da yadda mahukunta suka damu kan yadda boren ke neman gagarar kundila. Kwanaki 11 ke nan a jere, dubban al'umma na zanga-zangar da ta faro a kasuwar mako-mako ta kuma fantsama zuwa manyan biranen kasar Iran da suka hadar da Isfahan da Mashhad da rahotanni