Rahotanni sun nuna cewa a cikin kwanaki ukun da wannan lamari na garkuwa da masu ibada 167 daga coci-coci dabam-dabam a garin Kurmin Wali da ke karamar hukumar Kajuru a Kaduna ya afku, rundunar 'yan sandan jihar tare da sauran hukumomin tsaro sun musanta faruwar lamarin. Sai dai bayan tattara muhimman bayanai da gudanar da cikakken bincike, hukumomin tsaron da sauran masu ruwa da tsaki sun tabbatar da afkuwar harin.