የዩናይትድ ስቴትስ ፕሬዝዳንት ዶናልድ ትራምፕየዛሬ ዓመት የፕሬዝዳንትነቱን ስልጣን ዳግም ከያዙ በኋላ ወደ አሜሪካን እንዲጠቃለሉ ከሚፈልጓቸው መካከል በመልክዐ ምድራዊ አቀማመጧ ስልታዊ የምትባለው ግሪንላንድ አንዷ መሆንዋን ሲያሳውቁ ብዙ አነጋግሮ ነበር። ያኔ ይህ ፍላጎታቸው የምር መሆኑን ያወቁ ቢኖሩ ምናልባትም የቅርብ ባለሥልጣኖቻቸው አለያም የርሳቸውን ባህርይ በትክክል የሚያውቁ መሆን አለባቸው። ከዚያን ጊዜ አንስቶም ግዛቲቱ የትራምፕ ዓይን ውስጥ መግባቷን ግሪንላንድና ዴንማርክ ሲቃወሙ የግሪንላንድ ህዝብም ይህ ሊሆን የማይችል ቅዠት ነው በማለት በተደጋጋሚ ቁጣውን ሲያሰማ ቆይቷል።