Duke konfirmuar lajmin Ministria e Brendshme e Maqedonisë së Veriut tha se ai është në gjendje të mirë shëndetësore dhe është marrë në pyetje nga Zyra e Prokurorit Publik. Ish-zëvendëskryeministri Artan Grubi dyshohet për abuzim të detyrës zyrtare në rastin e njohur si "Lotaria Shtetërore”. Në këtë rast është i përfshirë edhe Përparim Bajrami ish-drejtor i Lotarisë Shtetërore, i cili po ashtu përmendet në aktakuzë si i dyshuar.